U redakcyju «Našaj Nivy» pastupiła pytańnie ab pachodžańni imia Akindzin — imia pa baćku ŭradženki Murmanskaj vobłaści (Rasija), ministra pracy i sacyjalnaj abarony Biełarusi Maryjany Ščotkinaj, jakaja stała prytčaj va jazycach paśla taho, jak paraiła biełarusam pracavać na dźviuch pracach.
Imia hrečaskaha pachodžańnia Akindzin pachodzić ad siaredniaviečnaha hrečaskaha słova Ἀκίνδυνος i značyć «biaźbiedny» albo «biaśpiečny». Maje taksama žanočuju formu Akindzina.
Najbolš raspaŭsiudžanaje ŭ Rasii. U Vialikabrytanii sustrakajecca padobnaje imia Akindain, u Indyi — Akinudździn. Akindziny majuć imianiny 18 krasavika, 22 žniŭnia i 2 listapada.
Najbolš viadomy nośbit imia — śviaty (u Ruskaj pravasłaŭnaj carkvie) Akindzin Piačerski, archimandryt Kijeva-Piačerskaha manastyra ŭ 20—30-ch hadach XIII stahodździa. Taksama viadomaja histaryčnaja asoba Hieorhija Akindzina, vizantyjskaha relihijnaha dziejača i bahasłova, jaki žyŭ u XIV stahodździ.