Siońnia žurnalist «Našaj Nivy» braŭ udzieł u mižkłubnaj piejntbolnaj hulni pad Baranavičami.
Pry hetym adzin z udzielnikaŭ (biznesoviec, jaki vyrablaje šaŭrony) prapanoŭvaŭ inšym svaju pradukcyju.
Aproč inšaha, na impravizavanym stendzie byli šaŭrony Rasii i t.zv. «Navarosii».
Jak skazaŭ sam pradaviec, prapanoŭvaje jon ich tamu, što na ich jość popyt.
«Biełarusy šaŭrony «Navarosii» sotniami biaruć u miesiac! I rasijskija ściahi aktyŭna biaruć, i «vietlivych ludziej». Ale tut i ŭkrainskija šaŭrony jość. Ich taksama kuplajuć. Pry hetym, jašče hoda paŭtara tamu jany ŭvohule nikomu nie byli patrebnyja», — raskazaŭ biznesoviec pra svoj asartymient i dadaŭ, što vielmi lubić usich ukraincaŭ. Chiba što za vyklučeńniem ukraincaŭ-hiejaŭ.
Asnoŭnyja pakupniki takoj pradukcyi — heta amatary piejntboła, strajkboła i chardboła.
«My i «Pahoniu» z «BČB» robim, ale tak u adkrytuju nie pradajom. Tolki pa zamovach. Ci mała što», — raskazaŭ mužčyna i paprasiŭ nie nazyvać jahonaje imia i nie fatahrafavać, a to niechta daviedajecca, što «BČB» robić, i «biznesu hamon».
Hrošy, jak možna ŭ čarhovy raz upeŭnicca, nie pachnuć.