Rašeńni Prezidyumaŭ Viarchoŭnych Savietaŭ RSFSR i SSSR ab pieradačy ŭ 1954 hodzie Krymskaj vobłaści sa składu RSFSR u skład Ukrainskaj SSR nie adpaviadali kanstytucyjam Rasii i byłoha Savieckaha Sajuza.
Pra heta havorycca ŭ adkazie Hienieralnaj prakuratury Rasii na zapyt lidara partyi «Spraviadlivaja Rasija» Siarhieja Mironava.
Tekst dakumienta z podpisam namieśnika hienieralnaha prakurora Rasii Sabira Kiechlerava raźmieščany na sajcie Mironava.
«Ni Kanstytucyja RSFSR, ni Kanstytucyja SSSR nie praduhledžvała paŭnamoctvaŭ Prezidyumaŭ Viarchoŭnych Savietaŭ RSFSR i SSSR pa razhladzie pytańniaŭ ab źmienie kanstytucyjna-pravavoha statusu aŭtanomnych savieckich sacyjalistyčnych respublik, jakija ŭvachodziać u skład sajuznych respublik», — havorycca ŭ zaklučeńni Hienprakuratury Rasii.
«Z ulikam vykładzienaha, pryniatyja ŭ 1954 h. rašeńni Prezidyumaŭ Viarchoŭnych Savietaŭ RSFSR i SSSR ab pieradačy Krymskaj vobłaści sa składu RSFSR u skład USSR, nie adpaviadali Kanstytucyi (Asnoŭnaha zakona) RSFSR i Kanstytucyi (Asnoŭnaha zakona) SSSR», — zajaviła Hienprakuratura.
25 sakavika hetaha hoda Mironaŭ adpraviŭ hienprakuroru Juryju Čajku deputacki zapyt, u jakim paprasiŭ vyvučyć z punktu hledžańnia kanstytucyj SSSR i RSFSR rašeńnie 1954 ab pieradačy Kryma Ukrainie.
