Hubiernatar Adeskaj vobłaści Michaił Saakašvili na pasiadžeńni kamisii Dziaržavija žorstka pasvaryŭsia z kiraŭnikom słužby Dzianisam Antaniukom.
Adpaviednaje videa raspaŭsiudžvaje Hubs.
Saakašvili abvinavaciŭ Antaniuka ŭ tym, što jon absłuhoŭvaje aliharchičnyja intaresy manapalista avijarynku, paśla pasiedžańnia kamisii Dziaržavija, dzie davali dazvoły na maršruty avijakampanijam.
«Mianie cikavić, kab ludzi latali tudy i nazad tańniej. Tam, dzie adna kampanija atrymlivaje ŭsie rejsy, ludzi tańniej latać nie mohuć. Vy svaim rašeńniem pryviali da taho, što ŭ Adesu prylacić u dva-try razy mienš turystaŭ», — zajaviŭ Saakašvili.
«Ja ŭpeŭnieny, što hetaje rašeńnie pradyktavana kankretnym manapalistam, bo zarobkaŭ tut nichto nie atrymlivaje. Zarobki vy atrymlivajecie ŭ kankretnych ludziej. Kolki ŭ vas zarobak?», — pacikaviŭsia Saakašvili ŭ Antaniuka.
Staršynia Dziaržavija paviedamiŭ, što atrymlivaje 5,5 tysiač hryŭniaŭ.
«I vy žyviacie na hetuju zarpłatu? Kolki biletaŭ u Adesu vy možacie kupić na hetyja 5,5 tysiač? Ci vy nikudy nie latajecie i jeździcie na «Zaparožcu»? Nie pavieru», — zajaviŭ Saakašvili.
Na heta Antaniuk prapanavaŭ Saakašvili «pierastać plavuzhać».
«Ja ad čałavieka, jaki tolki što pradaŭ svaju dziaržsłužbu aliharchičnamu intaresu, nie paciarplu abvinavačvańniaŭ u tym, što ja plavuzhaju», — prakryčaŭ Saakašvili.
Antaniuk prapanavaŭ Saakašvili pryjści da jaho dadomu i pierakanacca, jak jon žyvie, ale hubiernatar admoviŭsia.
