Aficyjny vizit namieśnika staršyni Parłamienckaj asamblei ABSIE Kienta Charsteda ŭ Biełaruś adbudziecca 30 červienia — 2 lipienia.
Zapłanavanyja, u pryvatnaści, sustrečy Charsteda sa staršyniami Pałaty pradstaŭnikoŭ i Savieta Respubliki Uładzimiram Andrejčankam i Michaiłam Miaśnikovičam, paviedamili BiełaPAN u pres-słužbie nižniaj pałaty parłamienta.
Vizit Charsteda ŭ Biełaruś adbudziecca napiaredadni 24-j siesii Parłamienckaj asamblei ABSIE, jakaja projdzie 5—9 lipienia ŭ Chielsinki. Biełaruskuju parłamienckuju delehacyju na siesii budzie ŭznačalvać namieśnik staršyni Pałaty pradstaŭnikoŭ Viktar Huminski.
26 červienia Huminski paviedamiŭ žurnalistam, što biełaruskaja delehacyja nie padtrymaje punkt ab anieksii Kryma ŭ rezalucyi, jakuju płanujecca pryniać na 24-j siesii Parłamienckaj asamblei ABSIE. «My budziem prytrymlivacca farvatara našaj ahulnaj pazicyi pa hetym pytańni, — skazaŭ jon. — My za heta pytańnie nie hałasavali ni ŭ AAN, ni na samicie Uschodniaha partniorstva. My zajavili, što nie možam za hety punkt hałasavać, tamu naša pazicyja [na siesii PA ABSIE] budzie adpaviednaj».
