Staršynia praŭleńnia FK BATE Anatol Kapski vykazaŭsia z nahody padpisańnia damovy ab supracoŭnictvie z kampanijaj «Alivaryja».
— Naša sinerhija moža dać dobry vynik dla «Alivaryi» i BATE. Naša kamanda maładaja. A «Alivaryja» nacyjanalny brend. Navat kali prajazdžaješ mima pradpryjemstva, cikava na jaho pahladzieć. Čuŭ, što na zavod pryjazdžali naščadki hrafa Čapskaha. Cha! Ja sam amal jak Čapski. Pra proźvišča ciapier, viadoma. Nie chaču šmat kazać pra zdarovy ład žyćcia. Mahčymaści, jakija dajuć piŭnyja kampanii, dazvalajuć vychoŭvać hust u spažyŭcoŭ. Kultura pićcia pavinna budavacca mienavita praz taki pradukt. «Alivaryja» pradstaŭlaje viadučy suśvietny brend — «Karłśbierh». Kali ŭ takich partnioraŭ, jak my, źjaŭlajucca ahulnyja zadačy, źjaŭlajucca i ahulnyja mahčymaści. Kali na našym sajcie, stadyjonie i šmat dzie jašče źjavicca imia brenda «Alivaryja», pavaha da kłuba pavialičycca. Chaču, kab heta adbyłosia i ŭ partnioraŭ.
— Ci budzie BATE vykarystoŭvać na śviatkavańniach zamiest šampanskaha piva?
— Daj boh, kab byli mahčymaści. Usim tak nadakučyli tytuły BATE. Dumaju, takim čynam nadadzim śviatkavańniu niešta novieńkaje. Futbalisty i tak užyvajuć piva. Ciapier heta jašče i pryjemny abaviazak.
— Nakolki składana znajści partniora ŭ kryzisnyja časy?
— Kali praanalizujecie list našych partnioraŭ, to pierakanajeciesia, što z nami supracoŭničajuć mocnyja kampanii. Viadomyja brendy. Pryjemna, što pryjšoŭ taki partnior. Akramia finansavaha składnika heta jašče i pryŭnosić rysačku da našaha imidžu. Kali ja kažu pra piva, nie zabyvaju pra futboł. Ciapier źjaŭlajecca pryjemnaja mahčymaść užyć hety napoj na matčach z elitnymi supiernikami ŭ samych rejtynhavych turnirach.
— Ci buduć častavać žurnalistaŭ na matčach BATE pivam?
— Ja razumieju, čamu vy spytali. BATE adzin ź niamnohich kłubaŭ, jakija stvarajuć dla presy ŭsie ŭmovy. Viadoma, ja časam mahu niešta skazać. Časam, žorstka, vostra, ale my vietliva ŭsich prymajem. Niašmat kłubaŭ, dzie častujuć žurnalistaŭ. Kali možna pić piva na stadyjonie, čamu nielha ŭ łožy presy? Pytańnie tolki ŭ tym, biaspłatnym budzie bar ci nie. Cha! Časam vy pišacie tak, što mienavita žurnalisty nam pavinny prypłačvać, što prychodziać na stadyjon.
