U Minsku aŭtamabil zvaliŭsia ŭ katłavan, u kiroŭcy — udar plača i čerapna-mazhavaja traŭma (ČMT) siaredniaj stupieni.
Pra heta BiełTA paviedamiła kiraŭnik pres-słužby DAI HUUS Minharvykankama Taćciana Charlinskaja.
Žančyna 1977 hoda naradžeńnia za rulom aŭtamabila «Falksvahien» ruchałasia pa vulicy Tałstoha z boku vulicy Družnaj. Pavaročvajučy naprava ŭ bok płoščy Miaśnikova na skryžavańni z vulicaj Maskoŭskaj, jana źbiła bietonnyja błoki, jakimi byŭ aharodžany vykapany katłavan. Mašyna zvaliłasia ŭ jamu i pierakuliłasia na dach.
«Pa ščaślivaj vypadkovaści niepadalok znachodziŭsia ekipaž Dziaržaŭtainśpiekcyi Maskoŭskaha rajona. Supracoŭniki DAI razam z darožnymi rabočymi vyciahnuli dziaŭčynu z mašyny, akazali joj pieršuju dapamohu i vyklikali chutkuju», — skazała Taćciana Charlinskaja.
Papiarednie, kiroŭca atrymała udar plača i čerapna-mazhavuju traŭmu siaredniaj stupieni. Paźbiehnuć trahiedyi ŭdałosia dziakujučy tamu, što dziaŭčyna była pryšpilenaja ramianiom biaśpieki. Jana znachodzicca ŭ šokavym stanie i dastaŭlena ŭ balnicu dla dalejšaha udakładnieńnia dyjahnazu. Tłumačeńniaŭ z nahody DTZ pakul kiroŭca dać nie moža.
Ciapier z boku płoščy Miaśnikova abciažarany ruch transpartnych srodkaŭ. DAI rekamienduje kiroŭcam ŭličvać hetuju infarmacyju pry vybary maršrutu ruchu.
