Fota: BBC

Fota: BBC

Kala 11 ranicy pa minskim časie terarysty ździejśnili napad na zavod amierykanskaj kampanii Air Products u San-Kanten-Fałavie (niedaloka ad Hrenobla, Francyja), paviedamlaje France24.

Napadnikaŭ było prynamsi dva. Adzin ź ich zajšoŭ na terytoryju zavoda i padarvaŭ siabie, paraniŭšy niekalki čałaviek. Paviedamlajecca, što niedaloka ad zavoda była znojdzienaja adsiečanaja hałava, raśpisanaja tekstami pa-arabsku.

Adzin z napadnikaŭ trymaŭ padčas ataki ściah «Isłamskaj dziaržavy». Zatrymanyja dva čałavieki, padazravanyja va ŭdziele ŭ napadzie. Paviedamlajecca, što adzin z zatrymanych byŭ u poli zroku śpiecsłužb z 2006 hoda praz ekstremisckija pohlady, ale ŭ 2008 nazirańnie za im było prypynienaje.

Prezident Francyi Fransua Ałand śpiešna pakinuŭ samit lidaraŭ Jeŭrasajuzu ŭ Bruseli i sazvaŭ ekstrannaje pasiedžańnie ŭradu. U telezvarocie jon zaklikaŭ hramadzian nie słuchać zakliki radykalnych palitykaŭ i prytrymlivacca francuzskich kaštoŭnaściej.

Клас
Панылы сорам
Ха-ха
Ого
Сумна
Абуральна