Biełarusa Kiryła Silivončyka, asudžanaha ŭ Rasiei za vypadkovy pierapost radykalnych antyrasijskich zaklikaŭ ukantakcie, etapujuć u kałoniju-pasialeńnie. Jon mieŭ mahčymaść vybaru miesca pasialeńnia i i vybraŭ kałoniju ŭ pasiołku Suchabiazvodnaje za 60 kiłamietraŭ na paŭnočny ŭschod ad Nižniaha Noŭharada.
Pasialeńnie dziejničaje pry papraŭčaj kalonii strohaha režymu №14.
Režym na pasialeńni miakki. Razam ź Silivončykam majuć prava žyć svajaki.
Infarmacyi pra datu pieravodu Silivončyka ź SIZA na pasialeńnie pakul niama. U Biełarusi ŭ Silivončyka zastalisia mama (jana žyvie ŭ Śvietłahorskim rajonie) i dziaŭčyna ŭ Homieli. Jany niebahatyja ludzi, i pryvatnaha advakata dla jaho apłaciŭ chryścijanski aktyvist Andrej Kim.
Paśla skančeńnia ŭniviersiteta ŭ Homieli Silivončyk naniaŭsia na rabotu sisadminam na vajskovym zavodzie ŭ Nižnim Noŭharadzie. Jon padtrymlivaŭ antyvajennyja i praŭkrainskija supołki ŭkantakcie. U turmu jon trapiŭ za biazdumny pierapost materyjału, u jakim utrymlivali zakliki «zabivać maskaloŭ». Toj materyjał byŭ paźniej vydaleny ź sieciva, ale Silivončyka źvinavacili ŭ «zaklikach da teraryzmu».
