Urad Rasii apublikavaŭ pieralik tavaraŭ z krain Zachadu, u dačynieńni da jakich jašče na hod padoŭžanaje praduktovaje embarha. Śpis praduktaŭ, jakija trapili pad sankcyi ŭ adkaz, zastaŭsia amal niaźmiennym.
Byli aściarohi, što ŭ śpis mohuć trapić kandytarskija vyraby, kvietki i rybnyja kansiervy, ale pakul jany nie ŭvajšli ŭ abnoŭleny pieralik zabaronienaj da ŭvozu pradukcyi.
Pry hetym urad Rasii zabaraniŭ uvoz biezłaktoznoj małočnaj pradukcyi. Vyklučeńnie składajuć śpiecyjalizavanyja pradukty dla lačebnaha i prafiłaktyčnaha charčavańnia.
Akramia hetaha, źniata zabarona na pastaŭki malavak fareli i malavak vustryc i midyj.
Śpis krain, na jakija raspaŭsiudžvajucca kontrsankcyi Rasii, taksama zastaŭsia raniejšym.
U žniŭni 2014 Rasija abmiežavała na hod impart charčovych tavaraŭ z krain, jakija ŭviali suprać jaje sankcyi.
Paśla taho jak stała viadoma, što krainy ES i ZŠA padaŭžajuć sankcyi da kanca studzienia 2016 hoda, rasijskija ŭłady vyrašyli padoŭžyć sankcyi ŭ adkaz da 5 žniŭnia 2016 hoda.