Termin ustanoŭki płaciežnych terminałaŭ u handlovych abjektach Minska i abłasnych haradoŭ praciahnuty dla indyvidualnych pradprymalnikaŭ da 1 studzienia 2016 hoda. Ab hetym paviedamili ŭ Ministerstvie handlu.
«Savietam Ministraŭ padtrymana prapanova Ministerstva handlu ab pieranosie terminaŭ ustanoŭki indyvidualnymi pradprymalnikami płaciežnych terminałaŭ u handlovych abjektach, raźmieščanych u haradach abłasnoha padparadkavańnia ŭ Minsku, da 1 studzienia 2016 hoda», - prainfarmavali ŭ viedamstvie.
«Što datyčycca jurydyčnych asob, to jany z 1 lipienia va ŭstanoŭlenym paradku pavinny nabyć i ŭstanavić płaciežnyja terminały», - adznačyła ŭ efiry telekanała ANT načalnik upraŭleńnia arhanizacyi handlu i pasłuh Ministerstva handlu Vijaleta Brazoŭskaja.
Jana taksama dadała: «Z 1 studzienia 2016 hoda ŭvodzicca abaviazak mieć płaciežny terminał pry handli ŭ internet-mahazinie. Heta datyčycca i pradprymalnikaŭ, i jurydyčnych asob».
Jak paviedamlałasia, u suviazi z tym, što ŭkazam ad 30 sakavika 2015 hoda №143 byŭ pradoŭžany da 1 studzienia 2016 hoda termin realizacyi astatkaŭ tavaraŭ, uviezienych indyvidualnymi pradprymalnikami - płacielščykami adzinaha padatku da 1 lipienia 2014 hoda na terytoryju Biełarusi z terytoryi dziaržaŭ - členaŭ Mytnaha sajuza biez supravadžalnych dakumientaŭ, Ministerstva handlu inicyiravała pradaŭžeńnie terminu abaviazkovaj ustanoŭki płaciežnych terminałaŭ dla subjektaŭ małoha biznesu.