Cud u ZŠA paćvierdziŭ śmiarotny prysud Džacharu Carnajevu, pryznanamu prysiažnymi vinavatym u vybuchach na Bostanskim marafonie ŭ 2013 hodzie.
Sudździa Džordž O'Tuł pry abviaščeńni vierdykta zajaviŭ, što nichto nie ŭspomnić pra Carnajeva ničoha dobraha. Jaho buduć uspaminać tolki jak čałavieka, naŭmysna «jaki zabiŭ i skalečyŭ niavinnych ludziej».
Pierad abviaščeńniem vierdyktu Carnajeŭ vystupiŭ z apošnim słovam i prynios prabačeńni paciarpiełym ad vybuchaŭ.
«Kali jašče jość niejkija sumnieńni, ja vinavaty ŭ napadzie razam z maim bratam.
«Ja prašu prabačeńnia za žyćci, jakija ja adabraŭ, za pakuty, jakija pryčyniŭ, za naniesienuju škodu, niepapraŭnuju škodu», — skazaŭ jon.
Achviarami dvuch vybuchaŭ, jakija, pa viersii śledstva, zładzili Džachar Carnajeŭ i jaho starejšy brat Tamierłan, stali try čałavieki, 264 atrymali ranieńni.
