26 červienia na terasie kaviarni Chill-Out na płoščy Svabody ŭ Minsku vystupić finalist konkursu «Zaśpiavaj 2.0» «Kolir» z Adesy, a padtrymaje ich svaim vystupam Naka. Kancert projdzie ŭ farmacie «piano».
Adesity z hurtu «Kolir» — adziny zamiežny ŭdzielnik konkursu «Zaśpiavaj 2.0». Muzyki padali zajavu na ŭdzieł u dźviuch naminacyjach — «Kavier» i «Paezija». U apošniaj jany i byli adznačanyja žury. «Kolir» stvaryli pieśniu «Zastacca saboj» na vierš biełaruskaha paeta Andreja Alaksandrava. Vyjšła nastolki ŭdała, što było vyrašana ŭklučyć jaje ŭ kancertnuju prahramu. Prychilniki kamandy pryniali kampazicyju z zachapleńniem.
Dla konkursu «Zaśpiavaj 2.0» ukraincy taksama zrabili kavier na pieśniu «Ćvietočki» hurtu Naka va ŭłasnym pierakładzie na biełaruskuju movu. Mienavita heta padšturchnuła arhanizataraŭ źvieści ŭ tvorčuju paru «Kolir:piano» i Nastu Špakoŭskuju. Na kancercie 26 červienia Nasta zaśpiavaje chity hurtu Naka, a taksama niekalki sumiesnych piesień z ukrainkami, zroblenych śpiecyjalna da hetaha viečara.
