Vyjava: Kyocera
Karparacyja Kyocera zapuściła najvialikšuju ŭ śviecie soniečnuju elektrastancyju na vadzie, paviedamlaje Japan Times.
Bolš za 9 tysiač panelej płavajuć na placoŭcy 77 na 333 mietry i dajuć mahutnaść 2,3 MVt. Hetkaja stancyja moža prynosić kala 780 tysiač dalaraŭ na hod.
Na hod elektrastancyja vypracuje kala 2680 MVt-hadzin enierhii, što dazvolić zabiaśpiečyć elektryčnaściu 820 chatnich haspadarak. Kyocera źbirajecca pradavać elektryčnaść kampanii Kansai Electric Power u Osaka na sumu 96 młn jen na hod (kala 780 tysiač dalaraŭ).
U płanach Kyocera jašče bolšaja płavučaja soniečnaja elektrastancyja mahutnaściu 13,4 Mvt, što zmoža zabiaśpiečyć amal 5 tysiač damoŭ. Zapuścić jaje źbirajucca ŭ sakaviku 2016 hoda.
Soniečnyja elektrastancyi na vadzie nie tolki nie zajmajuć «deficytnuju» ŭ Japonii ziamlu, ale i dajuć bolšuju enierhaefiektyŭnaść u paraŭnańni z naziemnymi.