Kadr z hulni Blastar for HTML5
U bijahrafičnaj knizie Ešli Vensa «Elon Musk: Tesla, SpaceX, and the Quest for a Fantastic Future» byŭ apublikavany kod videahulni Blastar, napisanaj Maskam u 12 hod. Supracoŭnik Google Tomas Łoret Linares pierapracavaŭ kod dla mahčymaści hulni praź internet, raspaviadaje Geektimes.
Zhulać u Blastar možna tut.
Hulnia dastatkova prostaja, jana nahadvaje kambinacyju Space Invaders i Asteroid. Hulcu na dvuchvymiarovaj prastory treba rasstrelvać svaim kaśmičnym karablom karabli praciŭnika.
Viadoma, Blastar nie paraŭnać ź siońniašnimi videahulniami. Ale pa mierkach 80-ch hadoŭ i z papraŭkaj na ŭzrost aŭtara vyhladaje jana niakiepska. Śćviardžajecca, što časopis «PC and Office Technology» u 1984 hodzie kupiŭ hulniu ŭ Maska za 500 dalaraŭ.
Siońnia Masku 43 hoda. Stvoranaj im (i pradadzienaj u 2002 hodzie za 1,5 młrd dalaraŭ) płaciožnaj sistemaj PayPal karystajucca 165 młn čałaviek, jaho kampanija Tesla vypuskaje papularnyja elektramabili, a jaho SpaceX zapuskaje kaśmičnyja hruzaviki da MKS.
Praŭda, čas ad času Masku prychodzicca nočyć u siabra.