Prezidenckija vybary ŭ Biełarusi projduć dastojna i pa Kanstytucyi. Ab hetym siońnia kiraŭnik dziaržavy Alaksandr Łukašenka zajaviŭ u čas rabočaj sustrečy sa staršynioj CVK Lidzijaj Jarmošynaj.
Alaksandr Łukašenka nahadaŭ, što ŭ kancy minułaha hoda vykazvałasia šmat daremnych mierkavańniaŭ ab tym, što prezidenckija vybary ŭ krainie praviaduć daterminova. «Pisańniaŭ u kancy minułaha hoda było šmat: Łukašenka praviadzie vybary ŭ lutym, sakaviku, pakul tut nie nastaŭ horšy čas, skarystajecca situacyjaj va Ukrainie i hetak dalej, i da taho padobnaje, - adznačyŭ jon. — Ja tady skazaŭ, što my sumlenna praviadziom hetyja prezidenckija vybary i ŭ termin. My heta słova trymajem».
CVK treba budzie vykazać svaje prapanovy pa kankretnaj dacie praviadzieńnia prezidenckich vybaraŭ, rašeńnie pa hetym pytańni budzie prymać parłamient. «Kab potym nas nie paprakali ŭ drobiaziach. Ja nie chaču ŭ biełych palčatkach paŭstać pierad narodam. Viadoma, my razam budziem abmiarkoŭvać, kali my praviadziom hetyja prezidenckija vybary. Ale ŭsio budzie dastojna i pa Kanstytucyi», - padkreśliŭ Alaksandr Łukašenka.
Lidzija Jarmošyna zajaviła, što prapanujecca pryznačyć vybary na 11 kastryčnika.