Biełarus Ihar Klaŭko, bolš viadomy jak pazyŭny «Leŭ», pra jakoha ŭžo nieadnarazova pisała «Naša Niva», na dadzieny momant apynuŭsia ŭ składanaj situacyi. Paśla ranieńniaŭ i lačeńnia ŭ balnicy jon atrymaŭ zapaleńnie lohkich, tamu zaraz jamu patrebnyja hrošy na dalejšaje lačeńnie. Ukrainskija vałanciory arhanizavali zbor srodkaŭ dla dapamohi «Lvu».
Voś što havorycca ŭ zajavie vałancioraŭ, što zajmajucca dapamohaj biełarusu:
«Biełarus Ihar Klaŭko razam z bataljonam «Danbas» i DUK «Pravy siektar» prajšoŭ amal usie haračyja kropki ATO: Arciomaŭsk, Papasnuju, Lisičansk, Iłavajsk i Pieski. Subraty pryznačyli jamu pazyŭny «Leŭ», hodna acaniŭšy mužnaść i vysakarodnuju naturu. My paznajomilisia ŭ Dnieprapiatroŭskaj abłasnoj kliničnaj balnicy im. I. I. Miečnikava, dzie jon lačyŭsia ad šmatlikich ranieńniaŭ, atrymanych u pasiołku Pieski padčas vykanańnia bajavoj zadačy. Heta minna-vybuchovaje množnaje askołačnaje ranieńnie miakkich tkanin tvaru, levaj halonki, ahniastrelny askołačny pierałom levaj vialikabiarcovaj kostki, ahniastrelny pierałom levaj małabiarcovaj kostki.
Zdavałasia, što dziakujučy našym vydatnym lekaram «Leŭ» chutka ŭstanie na nohi i chutka znoŭ vierniecca ŭ šerahi abaroncaŭ Ukrainy, ale paśla vypiski ź lakarni, na žal, baratraŭma i nastupnaje zapaleńnie lohkich vyklikali surjoznyja ŭskładnieńni. Zaraz pryjdziecca vydatkavać značna bolš času i srodkaŭ na adnaŭleńnie sił i zdaroŭja. Ale adkul biełaruskamu patryjotu ŭziać srodki na lačeńnie va Ukrainie, tym bolš, što ŭ rodnaj Biełarusi jaho čakajuć tolki pieraśled za ŭdzieł u bajavych dziejańniach? Kali nie my, Ukraincy, jakich naš «Leŭ» abaraniaje, nie škadujučy sił i kryvi, to chto padtrymaje Hieroja? Vielmi spadziajusia, što ŭ nas znojducca ŭdziačnyja i nieabyjakavyja ludzi, jakija ceniać podźvih zamiežnych bratoŭ, što pryjšli nam na dapamohu ŭ ciažkuju chvilinu žorstkaj ahresii!
Tych, chto nie paškaduje niekalkich hryŭniaŭ na lačeńnie našaha addanaha siabra i abaroncy, prašu dasyłać srodki na kartu № 4149 4978 3490 6077 Pryvatbank.
Atrymalnikam źjaŭlajecca Stecyk Uładzimir Iljič, lekar, jaki zajmajecca adnaŭleńniem zdaroŭja Ihara «Lva».
Kantaktnyja telefony Ihara:
+ 38-096-470-72-88
+ 38-099-066-38-89»
