Kirył Paborcaŭ atrymaŭ 20 hadoŭ kałonii ŭzmocnienaha režymu za toje, što ŭ žniŭni 2014 hoda zhvałtavaŭ i zabiŭ 18-hadovuju Viktoryju Jasiel.
Praces, jaki viała sudździa Alachnovič, zaviaršyŭsia siońnia ŭ Minsku (sud byŭ zakrytym, i ŭ zału puścili tolki na prysud). Paborcaŭ pavinien taksama spłacić 300 młn maralnaj škody svajakam zahinułaj dziaŭčyny. Prakuror prasiŭ dla abvinavačanaha 22 hady kałonii, ale apratestoŭvać takoje pakarańnie nie źbirajecca.
Viadoma što Paborcaŭ — uradženiec Oršy, žanaty, maje na ŭtrymańni małaletniaha syna. Raniej nie sudzimy. Pražyvaŭ u v. Dubaŭlany Minskaha rajona.
Zdareńnie adbyłosia 20 žniŭnia 2014 hoda. Viktoryja źnikła ŭ Minsku paśla pracy. Paźniej vyjaviłasia, što jaje ŭ toj viečar padvoziŭ Paborcaŭ na svaim «Miersiedesie». Zatrymali maładoha čałavieka ŭžo 26 žniŭnia. «Miersiedes», na jakim jon padvoziŭ achviaru, kanfiskujuć, kali ciaham miesiaca suma škody nie budzie spłačana.
Maci chłopca zajaviła: «Ja vieru, što moj syn nie hvałtaŭnik i nie zabojca. Boh im sudździa».
