Sud Dziaržynskaha rajona (sudździa Šajko) pryniaŭ rašeńnie aštrafavać žurnalistku Volhu Čajčyc za parušeńnie art. 22.9 č.2 KaAP na 30 bazavych vieličyniaŭ — 5 młn 400 tys. rubloŭ. Ciapier pačaŭsia razhlad anałahičnaj spravy žurnalista Siarhieja Kraŭčuka.
Na sud u Dziaržynsk pryjechali kala 20 žurnalistaŭ, u tym liku staršynia HA «BAŽ» Andrej Bastuniec, namieśnik staršyni Michaś Jančuk i pres-sakratar arhanizacyi Barys Harecki.
Usich achvotnych upuścili ŭ pamiaškańnie, ale sudździa Šajko zabaraniła vieści ŭ zale suda fota- i videazdymki i adchiliła chadajnictva Volhi Čajčyc pra viadzieńnie pracesu pa-biełarusku.
Abodvuch abvinavačvali ŭ parušeńni art. 22.9 KaAP («niezakonny vyrab i raspaŭsiud pradukcyi ŚMI»). Padstavaj dla składańnia pratakołaŭ staŭ siužet z Fanipala (Dziaržynski rajon Minskaj vobł.) pra niadopusk zdymačnaj hrupy na hramadskaje abmierkavańnie hienieralnaha płanu zabudovy horada. Fanipalskaja milicyja razdrukavała tekst i vyjavy siužeta z sajta «Biełsat» i źvinavaciła žurnalistaŭ u pracy biez akredytacyi na zamiežny ŚMI.
***
Pa padlikach HA «Biełaruskaja asacyjacyja žurnalistaŭ», u 2015 hodzie biełaruskich kaleh užo 16 razoŭ pryznavali vinavatymi ŭ parušeńni artykuła 22.9 KaAP, a ahulnaja suma štrafaŭ pa hetym artykule ciapier pieravyšaje 70 miljonaŭ rubloŭ.
