Pra heta siońnia paviedamiŭ Alaksandru Łukašenku premjer-ministr Andrej Kabiakoŭ.
Łukašenku cikaviła biahučaja situacyja ŭ ekanomicy, u jakoj namiecilisia pazityŭnyja tendencyi. «Kali raniej my vykidali valutu, «palili» zołatavalutnyja reziervy, to siońnia papaŭniajem ich. Jurydyčnyja i fizičnyja asoby pradajuć valutu. Heta praces dobry», — kanstatavaŭ kiraŭnik dziaržavy.
Łukašenka padkreśliŭ, što manietarnaja, valutnaja palityka pavinny zabiaśpiečvać raźvićcio ekanomiki. «Ale heta nie značyć, što my pavinny adyści ad žorstkaj palityki», — skazaŭ kiraŭnik dziaržavy. Kredytavacca pavinny takija prajekty, kab vyrablenaja pradukcyja mahła być harantavana realizavanaja. «Kali hetaha niama — hrošaj niama», — adznačyŭ kiraŭnik dziaržavy.
Pradpryjemstvy, u jakich zaklučany kantrakty, zmohuć uziać kredyty navat pad abarotnyja srodki, choć i na nievialiki termin. «Tut vydumlać ničoha nie treba. My ad hetaha adychodzić nie pavinny», — dadaŭ kiraŭnik dziaržavy.
Jon nahadaŭ, što ŭ svoj čas papiaredžvaŭ urad, kiraŭnikoŭ pra toje, što času na razvarušvańnie niama.
«Navat, ja b skazaŭ, nie na razvarušvańnie, a na toje, kab «zaradzić» i potym «strelić» u kancy žniŭnia — pačatku vieraśnia. Zastałosia ŭsiaho dva miesiacy. My nie možam ludziej pakinuć biez pracy. U advarotnym vypadku ludziam i dziaržava takaja nie treba», — zaŭvažyŭ Alaksandr Łukašenka.
Kiraŭnik dziaržavy kanstatavaŭ, što z-za abvału rasijskich rynkaŭ, sankcyj, embarha, biełaruskaja ekanomika straciła amal $3 młrd.
Alaksandr Łukašenka źviarnuŭ uvahu, što Rasija akazvaje Biełarusi sistematyčnuju padtrymku, baki damovilisia sumiesna šukać vyjście ź situacyi. Premjer-ministr paviedamiŭ, jak idzie praca ŭ hetym kirunku.
Akramia taho, Andrej Kabiakoŭ prainfarmavaŭ Łukašenku ab chodzie narychtoŭki karmoŭ.
«Viasna vielmi dobraja. My nie pavinny spaźnicca z narychtoŭkaj karmoŭ. Jak raniej kazali, adzin dzień hod kormić. Siońnia pačałasia takaja para», — padkreśliŭ Alaksandr Łukašenka.
Kiraŭnik dziaržavy zapatrabavaŭ, što ŭrad i profilnaje ministerstva nadali hetamu pytańniu asablivuju ŭvahu, kab sioletni ŭradžaj karmoŭ byŭ narychtavany ŭ poŭnym abjomie.
Łukašenka dadaŭ, što ŭ bližejšy čas asabista prainśpiektuje chod kormaŭboračnaj kampanii ŭ krainie.
Premjer-ministr padčas dakładu nahadaŭ, što ŭ śniežni minułaha hoda byli realizavany vymušana žorstkija miery, jakija dazvolili adaptavać ekanomiku da isnavańnia ŭ novych umovach.
Praduhledžanyja prahnozam sacyjalna-ekanamičnaha raźvićcia cana na naftu i kurs rasijskaha rubla da dalara prykmietna adroźnivalisia ad faktyčnych pakazčykaŭ u I kvartale. Pryniatyja miery nie mahli nie adbicca na vałavych pakazčykach ekanomiki, pierš za ŭsio na VUP, ale jany dali svoj vynik, zabiaśpiečyŭšy spakojnuju, kiravanuju, pradkazalnuju situacyju na ŭnutranym valutnym rynku i z cenami.