Virus hierpiesu. Fota: Foto: Bernhard Classen/Alamy
Novy srodak ad miełanomy, viadomy jak Talimogene Laherparepvec, albo T-VEC, paśpiachova prajšoŭ try etapy kliničnych vyprabavańniaŭ i ciapier moža być zarehistravany aficyjna, paviedamlaje The Guardian.
Leki paśpiachova dziejničajuć tolki na 16% chvorych. Tolki 10% chvorych dasiahnuli poŭnaj remisii i zastalisia zdarovymi ciaham prynamsi piaci hod. Ale i toje daje nadzieju — heta pieršy raz, kali viraterapija prajšła try vyprabavańni.
Vyprabavańni prajšli 400 chvorych. Usie jany mieli nieapierabielnuju, recydyvavalnuju abo mietastatyčnuju miełanomu na III-IV stadyi. Pabočnyja efiekty akazalisia słabiejšymi, čym pry chimijaterapii.
Kali rehistracyja projdzie paśpiachova, užo ŭ nastupnym hodzie leki stanuć dastupnymi chvorym pa ŭsim śviecie. Jany dazvalajuć zmahacca z rakam, navat kali chvaroba dabrałasia da ŭnutranych orhanaŭ, što daść nadzieju chvorym navat z davoli zmročnymi prahnozami.
Z rakam zmahajecca hienietyčna madyfikavany virus hierpiesu. Jon nie škodzić zdarovym kletkam (u hetym i zaklučajecca madyfikacyja), ale litaralna ŭzryvaje rakavyja, kali pačynaje ŭ ich aktyŭnaje razmnažeńnie. U dadatak da hetaha, jon vypracoŭvaje białok, što nie dazvalaje puchlinie raści.
***
Štohod dyjahnastujecca kala 200 tysiač vypadkaŭ miełanomy — złajakasnaj puchliny, što raźvivajecca ź pihmientarnych kletak. Štohod ad hetaj puchliny pamirajuć 65 tysiač čałaviek. Miełanoma składaje tolki kala 4% usich vypadkaŭ raku skury, ale viadzie da chutkaj śmierci ŭ troch čverciach vypadkaŭ.
