Śledčy kamitet paviedamlaje, što biełaruskija pradpryjemstvy ŭsio čaściej stanoviacca achviarami złačynstvaŭ suprać infarmacyjnaj biaśpieki i intelektualnaj ułasnaści.
Pra heta raspavioŭ śledčy pa asabliva važnych spravach śledčaha ŭpraŭleńnia Śledčaha kamiteta Alaksandr Machnač.
«Havorka idzie pra takija złačynstvy, pry jakich pad šyfravańnie ci vydaleńnie traplajuć bazy danych prahramnaha zabieśpiačeńnia «1S Buchhałteryja» subjektaŭ haspadarańnia. Pry takim złačynstvie šyfravańnie ci vydaleńnie zaznaje ŭsia baza danych. Za 2014 hod ad hetaha vidu złačynstvaŭ paciarpieli bolš za 50 pradpryjemstvaŭ Respubliki Biełaruś — jak dziaržaŭnaj, tak i pryvatnaj formy ŭłasnaści».
Złamyśniki błakujuć bazy albo praz addaleny dostup, albo praz dasyłańnie lista ź virusam. Potym złamyśniki patrabujuć pieraličyć hrošy na nazvanyja imi rekvizity elektronnych płaciežnych sistem. Za heta jany abiacajuć rasšyfravać bazy danych. Praŭda, kažuć u Śledčym kamitecie, navat paśla vypłaty hrošaj złamyśniki nie zaŭždy dasyłajuć paroli dla razbłakavańnia.
Pa słovach śpiecyjalistaŭ, 90% takich virusnych atak idzie z terytoryi Ukrainy ci Rasii.
