Indaniezija spraściła vizavy režym dla biełaruskich hramadzian. Pra heta paviedamili ŭ pres-słužbie MZS Biełarusi.
«U adpaviednaści z atrymanaj pa dypłamatyčnych kanałach infarmacyjaj u krasaviku 2015 hoda Indaniezijaj pryniata rašeńnie ab spraščeńni režymu pajezdak biełaruskich hramadzian u Indanieziju», — adznačyli ŭ pres-słužbie.
Biełaruś uklučana ŭ śpis dziaržaŭ, hramadzianie jakich mohuć atrymlivać indaniezijskija vizy paśla prybyćcia ŭ krainu pry pajezdkach da 30 dzion ź dziełavymi i turystyčnymi metami.
Viza paśla prybyćcia vydajecca ŭładalnikam hramadzianskich pašpartoŭ i moža być padoŭžana na dadatkovy termin da 30 dzion. Na momant pierasiačeńnia hranicy Indaniezii da zakančeńnia terminu dziejańnia pašparta pavinna zastavacca nie mienš jak šeść miesiacaŭ. Akramia taho, u pašparcie pavinny być svabodnyja staronki dla vizy. Jaje košt składaje $35.
Spraščeńnie vizavaha režymu Indaniezijaj u adnosinach da Biełarusi zasnavana na damoŭlenaściach, dasiahnutych u chodzie dziaržaŭnaha vizitu Alaksandra Łukašenki ŭ Indanieziju ŭ sakaviku 2013 hoda, rastłumačyli ŭ pres-słužbie.
