Alaksandr Łukašenka daručyŭ uradu i Fiederacyi prafsajuzaŭ Biełarusi (FPB) vyrašyć prablemnyja pytańni, źviazanyja z vypłatami pa balničnych listach, paviedamili ŭ pres-słužbie prezidenta pa vynikach jaho sustrečy 28 krasavika z kiraŭnikom FPB Michaiłam Ordam.
Łukašenka i Orda abmierkavali praktyku prymianieńnia pastanovy Savieta ministraŭ № 569, jakaja rehuluje pytańni vypłat pa balničnych listach, dziejańnie jakoj zakranuła, u pryvatnaści, stanovišča maładych rabotnikaŭ i žančyn, jakija iduć u dekretny adpačynak. Vyrašeńnie prablemnych pytańniaŭ, vyklikanych dziejańniem hetaj pastanovy, kiraŭnik dziaržavy daručyŭ znajści ŭ najbližejšy čas.
Na sustrečy taksama zakranałasia pytańnie stvareńnia prafarhanizacyj u pryvatnym siektary ekanomiki. Akramia taho, jak paviedamlaje pres-słužba prezidenta, Łukašenka pacikaviŭsia tym, jak viadziecca padrychtoŭka da źjezda fiederacyi, jaki pavinien adbycca 22 maja.
Łukašenka padkreśliŭ, što asnoŭnaj zadačaj prafcentra źjaŭlajecca «kantrol za vykanańniem pracoŭnaha zakanadaŭstva» i «aptymizacyja raschodaŭ pavinna vieścisia za košt inšych artykułaŭ, a nie ekanomii na ludziach».
Kiraŭnik dziaržavy taksama padziakavaŭ FPB za rabotu pa dobraŭparadkavańni Kurhana Słavy ŭ Smalavickim rajonie Minskaj vobłaści. «Vy robicie dobruju spravu. Ni ŭ kaho hrošaj, rabočych nie prasili, zaviaršajecie pryviadzieńnie ŭ paradak Kurhana Słavy — heta vialiki ŭkład», — zajaviŭ Łukašenka.
