Kancertnaja prezientacyja novaha alboma Źmitra Vajciuškieviča adbudziecca «Naša pieśnia» 6 červienia ŭ Vilni. Vystup pačniecca a 19-j hadzinie ŭ zale Doma polskaj kultury (Naugarduko gatve, 76), raźličanaj na 500 hledačoŭ.
«Płanujem vialikuju dvuchhadzinnuju prahramu z dvuch adździaleńniaŭ, — raspaviadaje śpiavak. — Pieršaje – premjera novaha alboma na vieršy biełaruskich paetaŭ. Druhoje – najlepšyja pieśni roznych hadoŭ. Heta budzie pryhožy vystup poŭnym składam WZ-Orkiestra. Niahledziačy na ŭsie źniešnija abstaviny, padtekst kancerta, jak i alboma, budzie pazityŭny, liryčny i žyćcieśćviardžalny. Viasna ž na dvary!».
Kvitki z pravam na vizavuju padtrymku (adnarazovaja viza biez konsulskaha zboru sa sproščanym naboram dakumientaŭ, termin dziejańnia z 5 da 7 červienia ŭklučna) pastupiać u prodaž 4 maja ŭ 10:00 pa 400 tysiač.
Nabyć ich možna tolki ŭ «Teatralnaj kasie» po adrasie: Minsk, vuł. Kalinina, d.5. Tam ža adbyvajecca rehistracyja na padaču dakumientaŭ ŭ Pasolstvie Litoŭskaj Respubliki (Minsk) i Hienieralnym konsulstvie (Hrodna). Apošni termin padačy — 29 maja. Kvitki bieź vizavaj padtrymki ŭžo možna nabyć u sistemach Kvitki.by (Biełaruś) i Bilietai.lt (Litva).
Infalinija: (029) 636 56 16 i (029) 239 56 16. Dadatkovaja infarmacyja:cartadorog.by, zagranicy.by.
***
Źmicier Vajciuškievič rehularna traplaje ŭ šerah zabaronienych u Biełarusi muzykaŭ. U kastryčniku 2014 hoda jon atrymaŭ hastrolnaje paśviedčańnie i daŭ paśpiachovy kancert u Minsku, ale zatym kancerty ŭ studzieni i lutym 2015 hoda byli admienienyja.
