Ukrainski rufier Pavieł Ušyviec, viadomy jak Mustang Wanted, udzielničaje ŭ bajach za Šyrokina (20 kiłamietraŭ ad Maryupala) na baku Nachvardyi. Adpaviednyja fatahrafii jon raźmiaściŭ na svajoj staroncy ŭ Facebook.
Hetuju infarmacyju paćvierdzili ŭ pres-słužbie pałka «Azoŭ» i ŭdakładnili, što Ušyviec ličycca ŭ ich u zvańni radavoha.
U vieraśni minułaha hoda ŭ Rasii rufiera abviaścili ŭ mižnarodny vyšuk pa spravie ab vandaliźmie na špili stalinskaha hmachu ŭ Maskvie.
20 žniŭnia 2014 hoda jon vyviesiŭ ukrainski ściah na špili vyšynnaha doma na Kacielnickaj nabiarežnaj u Maskvie i razmalavaŭ zorku na budynku ŭ sini koler — takim čynam jana stała padobna na ściah Ukrainy.
Daradca kiraŭnika MUS Ukrainy Anton Hieraščanka tady zajaviŭ, što ŭkrainski bok vydavać svajho hramadzianina nie źbirajecca.