Prajekt SLIM. Vyjava: JAXA
U krasaviku 2018 hoda Janonskaje kaśmičnaje ahienctva JAXA zapuścić na Miesiac bieśpiłotny zond SLIM (Smart Lander for Investigating Moon), paviedamlaje CNN.
Adna z asnoŭnych metaŭ misii — adpracavać miakkuju pasadku, kab u budučyni nakiravać čałavieka na Miesiac ci navat Mars.
Aparat budzie zapuščany japonskaj rakietaj Epsilon, što pracuje na ćviordym palivie. Pasadačny modul budzie vykarystoŭvać ličbavyja kamiery ź sistemaj raspaznavańnia tvaraŭ, adaptavanaj dla raspaznavańnia pavierchni. Prahrama aceńvajecca ŭ 83-125 młn dalaraŭ.
U 2008 hodzie Japonija ŭžo zapuskała bieśpiłotny aparat SELENE na arbitu Miesiaca dla zboru infarmacyi ab pavierchni spadarožnika Ziamli. Taksama JAXA zapuskała aparat da asteroida ŭ 2010 hodzie. Siońnia Japonija sprabuje nie sastupić u kaśmičnaj honcy svaim susiedziam, Kitaju i Indyi, jakija taksama majuć płany pa zasvajeńni Miesiaca i Marsa.
