Partyja BNF padtrymała vyłučeńnie kandydatam u prezidenty na vybarach 2015 hoda Taćciany Karatkievič, aktyvistki kampanii «Havary praŭdu», člena Biełaruskaj sacyjał-demakratyčnaj partyi (Hramada).
Adpaviednaje rašeńnie palityčnaj kamisii Partyi BNF, jakoje było pryniataje ŭ pačatku krasavika, zaćvierdziŭ 25 krasavika ŭ Minsku sojm arhanizacyi.
Pradstaŭniki partyi vysłuchali Taćcianu Karatkievič pry dapamozie skajpa, bo jana siońnia znachodzicca za miažoj, a taksama zadali joj šerah pytańniaŭ.
Karatkievič adznačyła, što chacieła b vyłučacca kandydatam u prezidenty nie ad niejkaj asobnaj arhanizacyi, a ad kaalicyi «Narodny refierendum», jakaja, pavodle jaje słoŭ, apošnim časam źjaŭlajecca «adzinym prykładam ahulnaj pracy ŭ demakratyčnych siłach».
Karatkievič padkreśliła, što impulsam dla jaje rašeńnia ŭdzielničać u vybarčaj kampanii stała mienavita sumiesnaja praca ŭ miežach «Narodnaha refierendumu», «jakaja nadaje siły».
Siarod svaich stanoŭčych jakaściaŭ jana nazvała pačućcio spraviadlivaści, adkaznaść i ŭmieńnie pracavać u kamandzie.
Pry hetym Karatkievič adznačyła, što sumiesnaja praca ŭ miežach «Narodnaha refierendumu» nie zakončycca vybarčaj kampanijaj 2015 hoda, a budzie praciahnutaja padčas parłamienckaj kampanii 2016 hoda.
