Fota: Facebook
Italjanskaja fotamadel Rozi Madžyuli paabiacała raspranucca na stadyjonie «Parmy», kali inviestary dapamohuć rašeńniu finansavych prablem futbolnaha kłuba. Pra heta paviedamlaje Deportestelemundo.
«Ja vystaŭlaju svajo cieła na aŭkcyjon. Mnie nieabyjakavy los «Parmy», i ja hatovaja pajści na ŭsio dziela jaje vyratavańnia. Mahčyma, maja akcyja pryciahnie bujnych inviestaraŭ, jakija dapamohuć kamandzie vyžyć», — napisała Madžyuli ŭ svaim Facebook.
Madelku viedajuć ŭ Italii pa šmatlikich fotasiesijach ŭ hlancavych časopisach, a taksama pa vystupie ŭ telešoŭ «Vialiki brat».
21 krasavika «Parma», jakaja adčuvaje surjoznyja finansavyja ciažkaści, była vystaŭlenaja na prodaž pa canie 20 miljonaŭ jeŭra.
Prapanovy ab kupli kłuba buduć prymacca da 6 maja. Kali na praciahu nazvanaha pieryjadu nie budzie zajavak, tarhi buduć pravodzicca paŭtorna 12, 18, 22 i 28 maja. Štoraz cana budzie źnižacca na 25%. Kłub zajmaje apošniaje miesca ŭ turnirnaj tablicy italjanskaj sieryi A i praktyčna zabiaśpiečyŭ sabie panižeńnie ŭ kłasie.
