Kiraŭnik dziaržavy nakiravaŭsia ŭ Minsk.
Napiaredadni Alaksandr Łukašenka pravioŭ pierahavory sa svaim hruzinskim kaleham Hieorhijem Marhviełašvili, sustreŭsia z premjer-ministram Hruzii Iraklijem Harybašvili, Katalikosam-Patryjarcham usiaje Hruzii, Archijepiskapam Mcchieckim i Tbiliskim, Mitrapalitam Picundskim i Suchum-Abchazskim Ilijoj II. Kiraŭnik biełaruskaj dziaržavy taksama naviedaŭ kafiedralny sabor Śviatoj Trojcy, uskłaŭ vianok da Miemaryjała hierojam, jakija zahinuli za adzinstva Hruzii.
Siońnia Łukašenka naviedaŭ Adžaryju. Tut adbyłasia jaho sustreča sa staršynioj urada Aŭtanomnaj Respubliki Adžaryja Arčyłam Chabadze. Alaksandr Łukašenka pryniaŭ udzieł u cyrymonii padpisańnia pahadnieńnia ab ustanaŭleńni partniorskich adnosin pamiž haradami Brest i Batumi. U Adžaryju taksama prybyŭ Prezident Hruzii. Alaksandr Łukašenka i Hieorhij Marhviełašvili paśla zakančeńnia aficyjnaj raboty pahutaryli z pradstaŭnikami srodkaŭ masavaj infarmacyi.
