Z 1 lipienia minimalny miesiačny zarobak (MMZ) u Litvie pavysicca na 25 jeŭra da €325, vyrašyła ŭ aŭtorak Trochbakovaja rada pradstaŭnikoŭ urada, pracadaŭcaŭ i prafsajuzaŭ krainy, paviedamlaje Delfi.lt.
Heta ŭžo treciaje pavyšeńnie MMZ z kanca 2012 hoda, za čas pracy kaalicyjnaha ŭrada sacyjał-demakrataŭ, Partyi pracy i pradstaŭnikoŭ partyi «Paradak i spraviadlivaść» — z hetaha času da lipienia MMZ uzdymiecca na 79 jeŭra.
U Biełarusi z 1 studzienia minimalny zarobak składaje 2 młn 100 tys. 100 rubloŭ, što pry siońniašnim (na 21 krasavika) kursie (15 430 rub.) składaje €136.
Jak raniej paviedamlałasia, u Łatvii viadziecca dyskusija pra pavyšeńnie ŭ 2016 h. minimalnaha zarobku z 360 da 375 jeŭra. Pra heta zajaviŭ u pačatku krasavika ministr dabrabytu krainy Ułdzis Aŭhulis.
U Estonii ŭ 2014 h. minimalny zarobak składaŭ 355 jeŭra, a sioleta musić vyraści da €390, što praduhledžana damovaj, zaklučanaj pamiž centralnymi sajuzami pracadaŭcaŭ i prafsajuzaŭ.
