Pa vynikach parłamienckich vybaraŭ, jakija adbylisia ŭ Finlandyi ŭ niadzielu, bolš za ŭsio hałasoŭ atrymała apazicyjnaja partyja Centr.
Jana nabrała 21,3% hałasoŭ i atrymała 49 miescaŭ, što na 14 bolš, čym u minułym składzie.
Akramia Centra, svoj vynik palepšyŭ Zialony sajuz. Jany finišavali z vynikam 8,5% i atrymali piać dadatkovych miescaŭ. Ciapier u parłamiencie budzie 15 «zialonych» deputataŭ.
Bolš za ŭsio stracili Kaalicyjnaja i Sacyjał-demakratyčnaja partyja. Kaalicyjaniery stracili 7i miescaŭ, a sacyjał-demakraty — 8. Adno miesca stracili «Sapraŭdnyja finy», adnak u siłu taho, što astatnija prajhrali jašče bolš, partyja stała druhoj pa pamiery ŭ parłamiencie, i staršynia Cima Sojni nazvaŭ vynik pieramohaj.
Ciapierašni premjer-ministr Finlandyi Alaksandr Stub užo pryznaŭ svaju parazu.
