Urad Narviehii patrabuje ad Maskvy tłumačeńniaŭ, jakim čynam namieśnik premjer-ministra Rasii Dźmitryj Rahozin, jaki znachodzicca ŭ sankcyjnym śpisie ES, u subotu naviedaŭ arktyčny archipiełah Špicbierhien, što naležyć Narviehii.
Rahozinu zabaronieny ŭjezd u krainy Jeŭrapiejskaha sajuza z-za jaho roli ŭ anieksii Kryma Rasijaj.
Pradstaŭnik ministerstva zamiežnych spraŭ Narviehii Fode Andersan skazaŭ, što Osła ŭžo zajaviła rasiejskaj ambasadzie ŭ Narviehii, što ludzi, uniesienyja ŭ sankcyjny śpis ES, nie mohuć pryjazdžać na Špicbierhien.
Nakolki viadoma, Rahozin prylacieŭ u aeraport pry narviežskim pasiołku Łonhirbiuen pramym rejsam razam z hubiernataram Nienieckaj aŭtanomnaj akruhi Iharam Košynym. Pres-pradstaŭnik hubiernatara paviedamiŭ, što sa Špicbierhiena Rahozin i Košyn adpravilisia na Paŭnočny polus.
Narviehija razhladaje mahčymaść uzmacnieńnia žorstkaści kantrolu ŭjezdu na Špicbierhien.
Ab znachodžańni Rahozina na Špicbierhienie narviežskim uładam nie było viadoma da taho času, pakul pra heta nie paviedamiŭ miascovy časopis BarentsObserver.
