Rasiejskaja hramadskaja dziejačka, lidarka «Ruchu ŭ abaronu Chimkinskaha lesu», ekołah Jaŭhienija Čyrykava razam ź siamjoj pierajechała žyć u Estoniju.
ecmo.ru
«Pierš za ŭsio ja chacieła prybrać z Rasii svoj hałoŭny punkt uraźlivaści — dziaciej. Nie sakret, što ŭ Rasii iduć represii ŭ dačynieńni da hramadskich aktyvistaŭ», — zajaviła jana ŭ intervju rus.err.ee.
«U 2013 hodzie my padrychtavali śpiecyjalny dakład «Ekaviazień», ź jakoha vidać, kolki ekołahaŭ było zabita, pasadžana ŭ turmu, zaznała fizičny hvałt. Na žal, situacyja z pravami čałavieka ŭ Rasii tolki paharšajecca», — dadała Čyrykava.
Pavodle jaje słoŭ, Estonija dla jaje idealnaja kraina, bo jana ŭ kožny momant moža apieratyŭna pryjechać u Rasiju dla vyrašeńnia hramadska-ekałahičnych pytańniaŭ.
«Ja maryła ŭ Rasii supracoŭničać z telebačańniem, ale ciapier telebačańnie tam stała hiebielsaŭskaj prapahandaj. Ale tut ja spadziajusia na paśpiachovaje supracoŭnictva. Mnie važna danosić svaju pazicyju praź internet i telebačańnie. Paradak XXI stahodździa — heta pozva ekałahičnaja. Fašyzm — heta nadumanaja prablema. niama nijakaha fašyzmu. Moj dziadula-ukrainiec jašče ŭ 1945 hodzie pieramoh fašyzm. Ciapier hałoŭnaje — heta ekałohija, zachavańnie našaj płaniety», — dadała ekołah.
