Ministerstva justycyi zarehistravała hramadskaje abjadnańnie «Biełaruskaja fiederacyja pejntboła», paviedamili ŭ Miniuście.
Abjadnańnie stvoranaje dla papularyzacyi pejntboła, a taksama padobnych ź im vidaŭ sportu: strajkboła i łaziertaha. Akramia taho, siarod zadač novaj arhanizacyi — vajenna-patryjatyčnaje i spartovaje vychavańnie moładzi, u tym liku ŭdzieł u padrychtoŭcy dziaciej i dapryzyŭnaj moładzi da słužby ŭ vojsku.
Novaja arhanizacyja budzie sumiesna z respublikanskim dziaržaŭna-hramadskim abjadnańniem «Dobraachvotnaje tavarystva sadziejničańnia armii, avijacyi i fłotu Respubliki Biełaruś» (DTSAAF) raźvivać vajenna-prykładnyja vidy sportu. Abjadnańnie maje namier raspracoŭvać i vykonvać prahramy raźvićcia pejntboła, strajkboła i łaziertaha, pravodzić turniry, navučać instruktaraŭ i sudździaŭ. Členami fiederacyi mohuć stać nie tolki hramadzianie Biełarusi, ale i zamiežnyja hramadzianie i asoby biez hramadzianstva, jakija pastajanna pražyvajuć u krainie.
Heta ŭžo nie pieršaja spartyŭnaja arhanizacyja, jakaja ŭ hetym hodzie aficyjna pačała pracu ŭ Biełarusi. Z pačatku hoda Miniust zarehistravaŭ respublikanskaje hramadskaje abjadnańnie «Biełaruskaja fiederacyja karate siotokan» i mižnarodnaje hramadskaje abjadnańnie «Mižnarodnaja fiederacyja hiravych vidaŭ sportu».