Novy reliz bieraściejcaŭ uvajšła pieśnia na słovy Ŭładzimiera Niaklajeva «Apokryf», duet ź Iłonaj Karpiuk «Pa-za hulnioj» i pieraasensavańnie etapnaj dla hurta rečy – «Słova».
EP «Genesis» jaskrava demanstruje try składniki tvorčaści hurta Sciana – drajv, liryka i metafizika. Synhł paŭstaŭ šmat u čym dziakujučy Źmitru Nazaravu, dyrektaru hurta. «Usie try pieśni zusim roznyja, ale ŭ kožnaj ź ich jość adlustravana našaje žyćcio ŭ ciapierašni peryjad. Ja vielmi pavažaju svaju kamandu za toje, što ŭ niaprosty dla nas čas jany zachoŭvajuć svajo siabroŭstva, padtrymlivajuć adzin adnaho i ruchajucca napierad», – kaža Źmicier.
Jašče adzin novy tvor «Pa-za hulnioj» vakalist hurta Pavał «Pašciet» Procharaŭ zapisaŭ razam z Iłonaj Karpiuk, biełaruskaj z Polščy, vakalistkaj hurta Ilo&friends. Pieśnia była stvorana pry ŭdziele saŭndpradusara ź Biełastoku Łukaša Ściepaniuka. «Zhadvaju jak śviatkavała sa «Ścianoj» ich piacihodździe, u zusim inšych abstavinach, kulturnych, žyćciovych i nikoli nie padumała b, što taki pryjemny momant prydzie, što razam z Pašcietam praśpiavajem, – kaža Iłona. – Chacia my śpiavali ŭžo razam – špacyrujučy pa vulicach Bieraścia, pad adnu hitaru i heta nadalej dla mianie važny ŭspamin, znak siabroŭstva, jakoje zastajecca praz hady. A časam prynosić voś takija siurpryzy».
Treciaja pieśnia ŭ relizie dobraviadomaja stałym prychilnikam hurta. Pad nazvaj «Evanhielle ad Ściany» jana vychodziła na samym pieršym albomie kamandy «Ryfmy losaŭ» (2002), ź joj muzyki debiutavali na «Tuzinie» 12 hod tamu – jana ŭdzielničała ŭ čarcie pad nazvaj «Pieršy huk». U novaj versii jana istotna pieraroblena ŭ muzyčnym planie dy pierajmienavana iznoŭ – u «Słova». Ułasna ŭ hetym tvory i raskryvajecca idejnaja sutnaść synhłu.
Pieśni z EP «Genesis» hurt prezentuje na svaich vystupach u Biełarusi dy Ŭkrainie. 18-ha muzyki hrajuć u Viciebsku, 19-ha – u Mahilovie, 25-ha ŭ Lvovie, 26-ha ŭ Ternopali. U traŭni zaplanavanyja kancerty ŭ Miensku, Horadni, Bieraście. Za navinami hurta Sciana možna sačyć praź ich aficyjnuju supołku.
