Jak paviedamiŭ Anatol Prakapienka, jaho syn — Arciom — užo dva miesiacy čakaje vyzvaleńnia pa pamiłavańni. Jašče ŭ lutym 2015 hoda palitviazień nakiravaŭ prašeńnie ab pamiłavańni prezidentu krainy.
Raniej A.Łukašenka publična nieadnarazova abiacaŭ vyzvalić palitviaźniaŭ u vypadku napisańnia takoha dakumienta, ale Prakapienka da hetaha času znachodzicca ŭ źniavoleńni.
U turmu małady čałaviek patrapiŭ u 20 hadoŭ i na jaho istotna paŭpłyvała pienitancyjarnaja sistema: mała kamunikavaŭ sa źniešnim śvietam, amal nie pisaŭ listoŭ, pracavaŭ u kałonii №15 h.Mahilova.
Baćki Arcioma ciaham dvuch hadoŭ prasili syna napisać prašeńnie ab pamiłavańni, kab vyzvalić syna, adnak palitviazień admaŭlaŭsia ad takoha kroku. U lutym jon pad ciskam baćkoŭ usio ž napisaŭ prašeńnie, ale dva miesiacy nijakaj reakcyi niama.
Pavieł Syramołataŭ, jakoha sudzili razam z Arciomam, napisaŭ zajavu ab pamiłavańni ŭ 2012 hodzie i byŭ vyzvaleny ŭ tym ža hodzie. Akramia taho, pa pracedury pamiłavańnia byli vyzvalenyja bolš za 30 palitviaźniaŭ, siarod jakich Pavieł Vinahradaŭ, Andrej Sańnikaŭ, Dźmitryj Bandarenka, Dźmitryj Us i inšyja. Ale tolki častka ź ich prasiła pra pamiłavańnie.
Arciom Prakapienka znachodzicca ŭ źniavoleńni z 17 studzienia 2011 hoda. Jon asudžany da 7 hadoŭ pazbaŭleńnia voli va ŭmovach uzmocnienaha režymu
sudom Babrujskaha rajona i h. Babrujska pa č.2 art.339 KK (złosnaje chulihanstva) i č.3 art.218 KK (paškodžańnie majomaści ŭ asabliva bujnym pamiery). Pa spravie Arciom prachodziŭ razam ź Jaŭhienam Vaśkovičam i Paŭłam Syramołatavym.
Pravaabaroncy pryjšli da vysnovy ab niasłušnaści kvalifikacyi kryminalnaj spravy i niepraparcyjnaści pakarańnia pa palityčnych matyvach, chacia nie vitali takuju formu pratestu maładoha čałavieka.
