Pieršym čałaviekam, chto vykarystoŭvaŭ zbroju na palavańni, mahła być žančyna, pišuć amierykanskija navukoŭcy ŭ časopisie Royal Society Open Science.
Daśledčyca Džył Pruc nazirała, jak šympanze ŭ sieniehalskich savanach Fałonhie palujuć na maleńkich prymataŭ hałaha, kidajučy drociki ŭ ich dupły. Jak ni dziva, čaściej zbrojaj karystajucca samki.
Chacia zvyčajna ŭ palaŭničych «bryhadach» šympanze samak tolki 39%, z 308 zafiksavanych atak z vykarystańniem drocikaŭ samki ździejśnili 61%.
Pruc i jaje kalehi miarkujuć, što i ŭ ludziej pieršymi ŭzbrojenymi palaŭničymi byli žančyny, niahledziačy na stereatyp pra mužčyn-palaŭničych.
Šympanze ź sieniehalskich savan Fałonhie pakul jość adzinymi prymatami, jakija vykarystoŭvajuć zbroju na palavańni.