Mižnarodny valutny fond papiaredziŭ, što prahnozy raźvićcia ekanomiki ŭ krainach SND paharšajucca z-za ekanamičnaha kryzisu ŭ Rasii.
U Rasii čakajecca skaračeńnie VUP na 3,8% (na 0,8% horš za minuły prahnoz) i rost spažyvieckich cenaŭ na 15,6% u 2015 hodzie. Na 2016 hod prahnozy bolš aptymistyčnyja: skaračeńnie realnaha VUP na 1,1% i inflacyja 9,8%.
Prahnoz pa pierśpiektyvach SND taksama prykmietna pahoršyŭsia: zaraz prahnazujecca skaračeńnie VUP pa krainach Sadružnaści na 2,6% u 2015 hodzie i dvuchznačny ŭzrovień inflacyi ŭ mnohich krainach, havorycca ŭ dakładzie.
«Spad, jak prahnazujecca, stanie pabočnym efiektam ad kryzisu ŭ Rasii», - havorycca ŭ dakładzie.
Prahnozy pa Rasii adlustroŭvajuć ekanamičnyja nastupstvy źnižeńnia cenaŭ na naftu i pavyšeńnia hieapalityčnaj napružanaści, adznačajuć ekśpierty. Na isnujučy kryzis taksama ŭpłyvaje panižeńnie ŭnutranaha spažyvieckaha popytu.
Padzieńnie cenaŭ na naftu, uzmacnieńnie žorstkaści umoŭ źniešniaha kredytavańnia i niedavier inviestaraŭ pahoršyli strukturnyja prablemy rasijskaj ekanomiki i, jak miarkujuć aŭtary dakładu, pryviaduć Rasiju da recesii ŭ 2015 hodzie.
