Premjer-ministr Biełarusi Andrej Kabiakoŭ zaniepakojeny źnižeńniem tavaraabarotu z Rasijaj. Ab hetym jon zajaviŭ siońnia na sustrečy z namieśnikam staršyni ŭrada Rasii Arkadziem Dvarkovičam.
Adnoj z hałoŭnych tem siońniašniaha abmierkavańnia stała handlova-ekanamičnaje supracoŭnictva. Jak kanstatavaŭ Andrej Kabiakoŭ, uzajemny tavaraabarot Biełarusi i Rasii apošnim časam prykmietna źnižajecca. «Tak, za dva miesiacy hetaha hoda my stracili ŭ siarednim niedzie 35 pracentaŭ tavaraabarotu», — adznačyŭ jon. Pierš za ŭsio heta źviazana z tym, što adbyłasia peŭnaja karekcyja valutnych kursaŭ.
Adnak naraŭnie z cenavym nazirajecca i skaračeńnie fizičnych abjomaŭ. «A heta vynik taho, što my razam niedzie niedapracoŭvajem», — ličyć kiraŭnik biełaruskaha ŭrada.
U suviazi z hetym Andrej Kabiakoŭ nahadaŭ, što Biełaruś i Rasija padpisali sumiesny płan dziejańniaŭ uradaŭ, jaki praduhledžvaje dadatkovyja miery raźvićcia handlova-ekanamičnaha supracoŭnictva, nakiravany ŭ asnoŭnym na maksimalnaje ŭstaranieńnie ŭzajemnych barjeraŭ, što pakul jašče isnujuć.
U chodzie sustrečy baki abmierkavali taksama inšyja pytańni, źviazanyja ź pierśpiektyvami raźvićcia dvuchbakovaha supracoŭnictva, u tym liku realizacyju znakavych inviestycyjnych prajektaŭ.
