Siaredni košt pucioŭki ŭ dziciačy azdaraŭlenčy łahier z kruhłasutačnym znachodžańniem sioleta składzie 3 młn. 700 tys. rubloŭ.
Pra heta na pres-kanfierencyi 14 krasavika paviedamiŭ dyrektar Respublikanskaha centra pa azdaraŭleńni i sanatorna-kurortnym lačeńni nasielnictva Hienadź Bałbatoŭski.
U 2014 hodzie takaja pucioŭka kaštavała 3 młn. 100 tys. rubloŭ, u 2013-m — 2 młn. 118 tys. rubloŭ.
Pavodle słoŭ Bałbatoŭskaha, prykładna 40% koštu pucioŭki ŭ kruhłasutačnym łahiery, ci 1 młn. 400 tys. rubloŭ, budzie kampiensavana za košt dziaržaŭnych datacyj.
U dzionnych, profilnych łahierach i łahierach pracy i adpačynku datacyi kampiensujuć prykładna 75% ad koštu puciovak, ci 580 tys., 600 tys. i 650 tys. rubloŭ adpaviedna. «My pavialičyli datacyi ŭ miežach prahnazavanych makraekanamičnych pakazčykaŭ, heta značyć u paraŭnańni ź minułym hodam datacyi pavialičylisia ŭ siarednim na 16%», — adznačyŭ śpiecyjalist.
Astatniaja častka pucioŭki budzie apłačvacca za košt prafsajuznych arhanizacyj, srodkaŭ pradpryjemstvaŭ, a taksama asabistych srodkaŭ baćkoŭ.
«Jak praviła, baćkoŭskaja płata składaje prykładna 10% ad koštu pucioŭki. My miarkujem, što takoj jana budzie i sioleta», — rastłumačyŭ Bałbatoŭski.
Usiaho na praviadzieńnie dziciačaj azdaraŭlenčaj kampanii sioleta vydzielena bolš za 297 młrd. rubloŭ, i za leta płanujecca azdaravić pryblizna 350 tys. dziaciej. Na padrychtoŭku łahieraŭ da pryjomu dziaciej budzie nakiravana 4,7 młrd. rubloŭ, a taksama častka srodkaŭ respublikanskaha subotnika, adznačyŭ dyrektar centra.