Stefani, 13-hadovaja dziaŭčynka z Techasa, vielmi chacieła adasłać pryhožaje paviedamleńnie baćku — astranaŭtu z MKS. Joj dapamahła kampanija Hyundai.
Na dnie voziera ŭ pustyni Nievada 11 aŭtamabilaŭ śladami kołaŭ napisali pasłańnie Stefani — «Steph❤'s you!» («Stef lubić ciabie!»).
Pasłańnie trapiła ŭ «Knihu rekordaŭ Hinesa» jak «najvialikšaja vyjava, zroblenaja kołami aŭtamabilaŭ».
Pamier nadpisu skłaŭ 5,5 km². Jaho na samoj spravie možna razhladzieć z kosmasu.
Zdymki prachodzili jašče ŭ studzieni, ale videa było vykładzienaje ŭ krasaviku. Za niekalki dzion jano nabrała 4,5 młn prahladaŭ. Aŭtary videa nie mohuć nazyvać imia astranaŭta ci proźvišča jaho dački — NASA zabaraniaje vykarystoŭvać imiony astranaŭtaŭ u rekłamnych metach. Ale na MKS na momant zdymak na samoj spravie znachodziŭsia astranaŭt, čyja siamja žyvie ŭ Techasie.