Fota: medicaldaily.com/ Shutterstock
Miedyki ŭniviersiteta štata Mičyhan apublikavali ŭ časopisie Proceedings of the National Academy of Sciences artykuł, dzie tłumačać pryčyny taho, što ludzi, što pieražyli kliničnuju śmierć, bačać «śviatło ŭ kancy tunelu».
Kali ŭ mozh pierastaje pastupać hlukoza i kisłarod, heta stymuluje mozh da značnaj aktyŭnaści — niby čałaviek akazvajecca ŭ prytomnaści na paŭchviliny.
Kab vyklikać «śviatło ŭ kancy tunelu», navukoŭcy ździejśnili aśfiksiju (prostaj movaj: zadušyli) dzieviaci pacukam i źniali ich elektrakardyjahramy i elektraencefałahramy.
U tyja 30 siekundaŭ «prytomnaj» aktyŭnaści miž sercam i mozham ustaloŭvajecca niezvyčajnaja suviaź. Kali bijeńnie serca rezka zapavolvajecca, sihnały mozhu sinchranizujucca ź im. I kali hetuju suviaź razarvać, spyniajecca fibrylacyja nižnich kamier serca (praź jakuju serca hublaje zdolnaść pierapampoŭvać kroŭ).
Miedyki śćviardžajuć, što kali razarvać hetuju suviaź z dapamohaj lekaŭ, možna padvysić šaniec na vyžyvańnie ŭ pacyjenta, serca jakoha spyniajecca. Mienavita taja dziejnaść mozhu, što pakazvaje «śviatło ŭ kancy tunelu», u peŭnym sensie nabližaje da śmierci.
