rbc.ua
Roŭna hod tamu, 13 krasavika 2014 h., Rada nacyjanalnaj biaśpieki i abarony (RNBA) Ukrainy abviaściła pra pačatak praviadzieńnia antyterarystyčnaj apieracyi (ATA) va ŭschodniaj častcy Ukrainy.
Heta rašeńnie było pryniata ŭ adkaz na prarasijskija biesparadki ŭ šerahu haradoŭ Danieckaj i Łuhanskaj abłaściej, u pryvatnaści, na sproby niezakonnych uzbrojenych hrup zachapić administracyjnyja budynki i siłavyja struktury.
Pavodle źviestak AAN, u vyniku bajavych dziejańniaŭ na Danbasie za hod zahinuli bolš za 6 tys. čałaviek. Kolkaść asob, jakija vymušana pakinuli svaje damy, skłała kala 2 młn čałaviek, ź jakich kala 1,2 młn žycharoŭ Danbasa pierajechali ŭ inšyja rehijony Ukrainy, a bolš za 700 tys. — u Rasiju.
Dakładnyja straty jak z boku siłaŭ ATA, tak i z boku sieparatystaŭ pakul nieviadomyja. Pavodle papiarednich dadzienych Hienieralnaha štaba, straty Uzbrojenych sił Ukrainy skłali kala 1,7 tys. vajskoŭcaŭ.
Rasija aficyjna nie pryznaje svajho ŭdziełu ŭ kanflikcie na terytoryi Danieckaj i Łuhanskaj abłaściej. Ab dokazach rasijskaj vajskovaj prysutnaści na Danbasie zajaŭlała i kiraŭnictva Ukrainy i pradstaŭniki NATA.
Z-za ahresii Rasiei suprać Ukrainy šerah krain śvietu uvioŭ suprać RF ekanamičnyja sankcyi.
