Ministr zamiežnych spraŭ Hiermanii Frank-Valter Štajnmajer u niadzielu adchiliŭ zakliki prarasijskaj partyi «Levych» zaprasić rasijskaha lidara Uładzimira Pucina na ciapierašni samit krain «Vialikaj siamiorki» G7.
U minułym hodzie hrupa siami raźvitych krain praviała štohadovy samit biez Pucina ŭ znak pratestu suprać anieksii Kryma i destabilizacyi uschodu Ukrainy.
Pa słovach Štajnmajera, daroha ŭ G8 dla Rasii viadzie praz admovu ad Kryma.
Hrehar Hizi, lider parłamienckaj frakcyi «Levych», kudy ŭvajšli, u pryvatnaści, i byłyja kamunisty Uschodniaj Hiermanii, zaklikaŭ urad zaprasić Pucina na samit G7, jaki projdzie ŭ červieni ŭ Bavaryi. Pavodle jaho słoŭ, supracoŭnictva Rasii nieabchodna dla vyrašeńnia mnohich mižnarodnych kryzisaŭ.
U intervju haziecie Die Welt Štajnmajer skazaŭ, što ŭdzieł Rasii ŭ urehulavańni kryzisaŭ u Siryi, Jemienie i Livii pažadany, ale pakul jaje viartańnie ŭ kłub raźvitych dziaržaŭ niemahčyma.
«Nie ŭ našych intaresach izalavać Rasiju na praciahłuju pierśpiektyvu. Adnak paśla niezakonnaj anieksii Kryma my nie možam dziejničać, jak byccam ničoha nie adbyłosia, — skazaŭ niamiecki ministr. — Šlach nazad u «Vialikuju vaśmiorku» projdzie praz pavahu da cełasnaści Ukrainy i vykanańnie Rasijaj jaje abaviazacielstvaŭ zhodna ź Minskimi pahadnieńniami».