Sud Pinskaha rajona i horada Pinska prysudziŭ byłoha dyrektara adnoj ź miascovych škoł mastactvaŭ da čatyroch hadoŭ pazbaŭleńnia voli ŭ kałonii ahulnaha režymu.
Rašeńnie było abvieščana 20 sakavika, prysud jašče nie ŭstupiŭ u zakonnuju siłu, paviedamili TUT.BY u sudzie.
65-hadovy mužčyna pryznany vinavatym pa č. 1 art. 168 KK (Pałavyja znosiny z asobaj, jakaja nie dasiahnuła šasnaccacihadovaha ŭzrostu) i č. 1 art. 169 KK (Raspusnyja dziejańni ŭ dačynieńni da asoby, što zahadzia nie dasiahnuła šasnaccacihadovaha ŭzrostu).
Nahadajem, dyrektara, jaki ŭznačalvaŭ navučalnuju ŭstanovu z 1997 hoda, zatrymali ŭ vieraśni minułaha hoda. U chodzie śledčych dziejańniaŭ było ŭstanoŭlena, što «mužčyna, znachodziačysia pa miescy pracy, z metaj zadavalnieńnia svajho pałavoha zapału nasupierak voli zaviedama dla jaho niepaŭnaletniaj ździejśniŭ u dačynieńni da 14-hadovaj navučency hvałtoŭnyja dziejańni seksualnaha charaktaru».
U chodzie rasśledavańnia kryminalnaj spravy było vyjaŭlena 6 epizodaŭ złačynnych dziejańniaŭ seksualnaha charaktaru ŭ dačynieńni da čatyroch niepaŭnaletnich. Dźvium achviaram byłoha dyrektara było pa 12 hadoŭ.
