U sacyjalnaj sietcy Facebook źjaviłasia hrupa, u jakoj žychary Polščy vykazvajuć svaje aściarohi ŭ suviazi z płanami rasijskaha bajk-kłuba «Načnyja vaŭki» ździejśnić motaprabieh «Maskva-Bierlin», prajechaŭšy u tym liku pa terytoryi Polščy.
Stvaralniki hrupy śćviardžajuć, što pradstaŭniki «Načnych vaŭkoŭ» ŭ 2014 hodzie vysadzilisia ŭ Krymie niezadoŭha da jaho dałučeńnia da Rasii, a paśla prymali ŭdzieł u bajavych dziejańniach u Danieckaj i Łuhanskaj abłaściach Ukrainy.
U apisańni hrupy adznačajecca, što zapłanavany bajkierami motaprabieh pa krainach Jeŭrasajuza možna rascanić jak «papiaredžańnie jeŭrapiejskim dziaržavam» ci navat jak «pačatak rasijskaj ahresii».
U suviazi z hetym polskija aktyvisty źviartajucca da ŭładaŭ krainy z prośbaj nie dapuścić motaprabieh i zabaranić «Načnym vaŭkam» pierasiakać miažu Polščy. Na momant publikacyi ŭ hrupie było kala piaci tysiač čałaviek.
Motaprabieh «Maskva-Bierlin» zapłanavany «Načnymi vaŭkami» z 25 krasavika pa 9 maja i prymierkavany da Dnia Pieramohi. Maršrut prabiehu prachodzić praź Biełaruś, Polšču, Aŭstryju, Čechiju i Słavakiju.
Hladzicie taksama: Navarosija, ikony, kasuchi: «Načnyja vaŭki» ładziać pałomnictva «Biełaja Ruś» FOTY