Brajan Morsman z synam Łajmam. Fota z asabistaha archivu Morsmana, democratandchronicle.com
Brajan Morsman ź Ńju-Jorka nie źbiraŭsia prabiahać 126,5 km za try dni, ale jaho zmusili abstaviny — treba lekavać syna, raspaviadaje Democrat & Chronicle.
Za pieramohi ŭ marafonach u Ałabamie, Paŭnočnaj Karalinie i Virdžynii Morsman atrymaŭ sumarna 5750 dalaraŭ. Ich jon patracić na lekavańnie 9-miesiačnaha syna ad rasščapleńnia pazvanočnika.
Biez naležnaha lekavańnia syn Morsmana moža stracić mahčymaść chadzić. «Kožny raz, kali ja biahu, ja dumaju pra jaho i pra toje, što moj bol nieparaŭnalny z tym, praz što prachodzić jon», — kaža Morsman.
29-hadovy Morsman za apošnija 6 hod prabieh 42 marafony, ź ich pieramoh u 23-ch. Da taho, jak jany z žonkaj daviedalisia pra chvarobu svajho druhoha dziciaci, jon biehaŭ prosta dla zadavalnieńnia.
Spartoviec rychtujecca da zabiehaŭ biez treniera — padčas pierapynku na abied albo ŭnočy, kali syn užo śpić. Chacia Morsman moh by mieć pośpiech na vialikich zamiežnych spabornictvach, jon biare ŭdzieł tolki ŭ amierykanskich marafonach.