Amierykanskija mietalisty Dream Theater upieršyniu naviedajuć Biełaruś 25 červienia. Hurt vystupić u Pałacy sportu ŭ miežach fiestyvalu Metropolis Fest.
Kvitki na fest užo pastupili ŭ prodaž pa cenach 600-900 tysiač. Inšyja ŭdzielniki festu stanuć viadomyja paźniej.
Na siońniašni dzień Dream Theater pracujuć nad novym albomam, što stanie 13-m u dyskahrafii hurtu. Albom maje vyjści ŭvosień. U Minsku chutčej za ŭsio prahučać pieśni z papiarednich albomaŭ.
Paśla minskaha vystupu hurt skirujecca ŭ jeŭrapiejski tur, što zavieršycca 31 lipienia na niamieckim fiestyvali Wacken.
***
Dream Theatre — pijaniery žanru prahresiŭ-mietał. Hurt byŭ zasnavany ŭ 1985 hodzie vypusknikami bostanskaha muzyčnaha kaledžu Bierkli. Z 12 albomaŭ hurtu mnohija ŭklučanyja ŭ raznastajnyja topy albomaŭ usich časoŭ, udzielnikaŭ hurtu rehularna ŭklučajuć u śpisy najvialikšych muzykaŭ śvietu. Ab Dream Theater kažuć jak ab adnym z samych upłyvovych mietał-hurtoŭ naroŭni z Metallica, Black Sabbath i Iron Maiden.
