Žanr: bajavik, pryhody
Režysior: Kazuaki Kiryja
U rolach: Kłajv Oŭen, Morhan Fryman, Klif Kiorcis, Aksiel Chieni, Cujosi Ichara, Šore Ahdašłu, Piejman Maaadzi, An Son Hi, Pak Si Jen
Kraina: Paŭdniovaja Kareja, ZŠA, 115 chv.
Adznaka: 7
Siaredniaviečča, mižusobnyja zvady pamiž drobnymi karaleŭstvami. Ich kiraŭniki naroščvajuć ułasnyja vajskovyja siły. Tolki vysakarodny voin, karol Bartak, bačyć siłu i budučyniu ŭ adzinstvie.
Pry padtrymcy svaich addanych i zahartavanych ŭ bitvach rycaraŭ jon zdolny abjadnać ziemli. Ale vorahi damahlisia śmiarotnaha pakarańnia Bartaka. Jaho naščadki i viernyja rycary na čale z rycaram Rajdenam vymušanyja pakinuć radzimu i stać badziahami. Ale, chavajučysia ad pieraśledu ŭładaŭ, Rajden i jaho najlepšyja voiny rychtujucca ŭziać revanš koštam ułasnych žyćciaŭ.
Siužet adsyłaje da staražytnaj japonskaj lehiendy pra 47 roninaŭ (samotnych samurajeŭ), jakija paśla hibieli svajho haspadara zhavarylisia adpomścić jaho zabojcam adpaviedna zapavietam busida.
Hety siužet byŭ pieraniesieny scenarystami va ŭmoŭny śviet siaredniaviečnaj Jeŭropy, dzie kiraŭniki razdroblenych karaleŭstvaŭ zmahajucca za ŭładu nie zaŭždy sumlennymi sposabami.
Adsyłak da sapraŭdnych histaryčnych padziej nie dajecca, takim čynam uźnikaje fentezijny śviet abo alternatyŭnaja historyja ŭ siaredniaviečnych dekaracyjach.
Zdymki adbyvalisia ŭ Čechii, u kadry paŭstajuć surovyja zaśniežanyja krajavidy i zamki. Niabłaha pastaŭlenyja bai ŭraŭnavažvajucca psichałahična mocnymi scenami supraćstajańnia pychlivaha impieratara i jaho prychvaśniaŭ z sumlennymi i spraviadlivymi ludźmi karala.
Niahledziačy na peŭnuju druhasnaść siužetu, nielha nie adznačyć vydatnuju hulniu dvuch zorak — Morhana Frymana (zahinułaha karala Bartaka) i Kłajva Oŭena (rycara Rajdena).
Kałarytnym atrymaŭsia i hałoŭny złodziej — daradca impieratara Hieza Mot, rolu jakoha vykanaŭ narviežski akcior Aksiel Chieni («Palaŭničyja za hałovami», 2011).
